*આંખોના ઝરૂખામાં બેઠા તમે,
મારા અસ્તિત્વની ફોરમનું ફૂલ તમે,
મારા દિલના બગીચાનું પારિજાત તમે,
આવો હવે ઝટ મહેકાવી દો મને,
શ્વાસમાં સાજન તમે આવો હવે.
*તૂટી જાઉં છું હું ક્યારેક અંદરથી પૂરી,
સંભાળી લે મને પ્રેમથી એવો કોઈ જોઈએ જરી,
*બાહુપાશમાં હવે જકડી લઉં તને,
દલડાના દ્વારને ઝટ તોડું હવે,
શ્વાસમાં સજની તુ આવ હવે..
*મારી રાતો થઈ હવે બેચેન,
સજની તુજ વીણ મને આવે કેમ સુખ-ચેન
*મારા સૌભાગ્યનો સૂરજ બની ઝળક્યા તમે,
મારા સમગ્ર અસ્તિત્વને સજાવ્યું તમે,
મારી આંખોમાંથી અશ્રુ રૂપે, ચોધાર બની ના વહેશો હવે,
શ્વાસમાં સાજન તમે આવો હવે.
*વાદળ બનીને વરસવું છે મારે,
ઝરમર ઝરમરમાં થાક્યો હવે,
મારા યૌવનથી તરબતર કરી દઉં તને,
પ્રેમની વાછટથી ભીંજાવું ક્યાં સુધી હવે...!!!
*મોર બની થનગનાટ કરો તો કોયલ બનીને કૂંજુ હું,
મોહ-માયાની સઘળી મેલીએ જંજાળ, એમાં હવે રાખ્યું છે શું?
મારા મનના માણીગર બનાવ્યા તમને,
ના કોઈ મર્યાદા હવે નડે મને..
*મારો અધર સુધા રસ પીવરાવું તને,
પ્રેમરસથી તૃપ્ત કરી,
પ્રણયરસમાં હવે ઝબોળું તને,
શ્વાસમાં સજની તુ આવ હવે..
*મારા શ્વાસોનું સરનામું તુ છું હવે,
મારા શ્વાસોની સુગંધ બની સમાઈ જા હવે,
શ્વાસમાં સજની ચાલ સમાઈએ હવે..!!!